雖然2007年仲未到，但07年新車款已逐一亮相各大車書，近期曝光率最高，莫過於積架架全新XKR跑車，今期《BBCTopGear》又搵佢做封面，最吸引我嘅係今次筆者用一日半時間揸住架XKR由美國紐約去LA，揸住架420匹馬力嘅開篷跑車招搖過市，加上外國條條路又闊又少車，難怪筆者都忍唔住開到160km/h，結果俾差佬捉到正，今次筆者以日誌形式演繹試車報告，試車時所見所聞幾特別，值得一睇。
AudiS3、蓮花Europa辣車新世代
今期辣車如雲，其中一架就係AudiS3，馬力有261匹，特別用上隔熱度高的物料去做引擎蓋，加上改良過的Intercooler，加大碼渦輪增壓，可見新車在性能上花了不少功夫。今期仲有蓮花架Europa，講真，若然你鍾意佢以前個肌肉型線條 多啲，恐怕呢架會令你失望，因為新車外形線條較流線簡單，外形有唔同，性能同樣令人有少少失望。
新車用上一副2,000c.c.Turbocharged引擎，馬力有197匹，好似唔係好勁?無法啦!廠方話希望新車可以在汽車市場佔一席位，個個都可以將佢當普通車咁日日揸，得唔得？睇吓點!
記者：黃婉冰攝影：陳偉強
資料提供：TimesPublishing(HK)Ltd.（23565555）
