喺51年創校嘅中大崇基學院噚日慶祝55周年院慶，學院嘅教職員同埋唔少老校友都有出席一連串活動。頭炮活動係為完成翻新工程嘅牟路思圖書館舉行啓用禮，之後佢哋又為今年初落成嘅崇基學院校史檔案館舉行正式嘅揭幕禮。該館𠵱家先舉行「哲懷深致立崇基」展覽，展出53年至63間創校時間嘅文物，有學生成績表、學生聘書等；呢間檔案館館名提字，係出自儒學大師饒宗頤之手，更添可貴之處。
崇基之前做咗個名為「五十飛翔」嘅雕塑紀念50周年，今年55周年就做咗另一件紀念雕塑，由三個獨立嘅「人」形雕塑組成，名為「」（即眾字），以比喻崇基人皆能獨當一面，但也如一家人。