徐子珊、鄧健泓和李詩韻等日前為內地休閒服拍攝07年春夏裝廣告。最近為劇集《學警出更》剪短頭髮的徐子珊，為了拍攝該廣告，特別戴了一個長及膊頭的假髮，以配合服裝。她說：「冇辦法啦，套劇拍到10月尾，所以要保持住短頭髮，咁拍廣告咪試吓戴假髮囉，都幾好呀！但係11月我又要拍新劇，唔知到時使唔使一定留長頭髮，但係要跳舞嘅。」
未能與胞妹合作
另外，鄧健泓本來有機會與任職模特兒的妹妹一起拍廣告，他說：「有幾次咁啱同個妹都做埋同一個工作，今次本來都係一齊影呢個廣告，點知啲時間夾唔到。」問到若有產品商邀請兄妹檔演出，會否加酬勞，他說：「都可以諗吓喎！其實都冇乜所謂，冇特別要求。」採訪：王連連
攝影：林德雄