「一定要拖實小朋友，就算電話響都應該唔聽住，專心過咗馬路先，過咗對面先覆電話，就唔會有意外喇！」Baby親子雜誌總編輯伍妙敏斥責今次女童被貨車撞傷意外，反映家長的交通安全意識極差；她說到日本旅遊時，發覺當地接近馬路邊的行人路，劃為禁用手機範圍，她認為香港值得借鏡。
身為人母的伍妙敏平時親自駕車接送子女上學，在道路上見盡人車爭路的驚險場面：「有一次個學生應該遲到，一落車就唔等正在畀車費嘅工人，一支箭咁衝出馬路，好在我架車煞得切，之後我入去學校話畀個主任知，唔係佢總有一次出事！」
伍提醒家長，教導子女安全過馬路要以身作則，遵照行人指示燈號；經過近馬路的行人路時，家長應站近馬路邊，以身體保護子女之餘，也慎防他們被物件吸引，甩手衝出馬路。