講開好老細，除咗李家二少之外，原來恒基地產四叔李兆基亦算得上其中一個！根據恒地最新年報顯示，兩個啱啱響今年七一榮休的老臣子──72歲嘅何永勳同埋68歲嘅梁昇，分別得到2173.5萬同3430萬花紅。 再睇番兩老嘅年薪，同05年比，今年係分別大幅加咗213%同135%，去到776萬同893.3萬....完全反映四叔幾咁仁厚.....普通老臣子退休，四叔都咁大手筆，唔知他日頭馬林高演榮休嗰陣又點呢？話時話，四叔咁識做，遲啲佢娶新抱時，何梁兩位老人家，又唔會同樣咁識做送份大禮畀阿家誠同埋子淇呢？