榮雪梅、李嘉慧、陳小韻及司馬燕等前晚在中環ifc出席G.H.MummCordon香檳活動，幾位嘉賓在台上齊開香檳時，榮雪梅手勢生硬，在旁的李嘉慧及陳小韻均被香檳濺濕，急急腳彈開落台。
事後榮雪梅表示與丈夫都是愛喝香檳之人，家中酒櫃放滿香檳，問她有否教兒子喝酒？她說：「有，雖然佢得七歲，但乜嘢都畀佢試吓見識吓，佢爹哋仲話遲啲帶佢去巴西睇靚女㖭，同埋我哋不時會一家三口一齊浸浴增進感情。」
母子與譚家明有緣
司馬燕被問到兒子吳景滔獲提名金馬獎最佳男配角，兒子有何反應時，她說：「佢得九歲，邊識有反應。佢已經屈咗我買10個PSPgame畀佢，不過有份提名，帶挈媽咪行紅地毯都好，話時話真係好蹺，個仔第一套拍譚家明，我第一套戲都係拍譚家明套《烈火青春》。」
採訪：GeneNg 攝影：RickyChan