用兩瓣法甲聯穩陣波膽做今周末「刀仔鋸大樹」波膽過關嘅膽材，拖另外兩場西甲聯，博客軍開勝2:1戰果，4串5出擊，中3關即排隊收錢！
今周末無華倫西亞直播睇，即管喺度早着先機，提供華倫作客贏桑坦德2:1波膽。華倫今季演出一直對辦，不過每喺歐冠盃賽事前嘅聯賽，都有啲留力情況；照計桑坦德今季質素，主場都唔係華倫嗰皮，僅敗1球機會高。
另文「2線波早飛」欄目，點出波爾多今周有權主場開小勝戰果，相信都不離波爾多贏1:0或2:1兩瓣，以法甲聯戰果走勢嚟睇，又相信以前者出現機會較高，玩波膽過關記得拖埋呢1場。
吼特魯瓦和1:1
同樣，博得特魯瓦主場打和聖伊天，波膽斷估都唔會出現入球「大」戰果；特魯瓦近期都叫做有啲入球板斧，聖伊天今季防守力亦唔算好穩，所以呢場必向各一言和呢瓣波膽出擊。
下周日西甲聯場合，愛斯賓奴可望借嚟緊一輪歐協盃分組賽佢哋輪空嘅空檔，全力作客出鬥利雲特；睇返兩軍近況，不相伯仲，愛斯賓奴好少少，呢場可以博較冷門嘅客軍贏波波膽，取愛斯賓奴贏2:1。文：華度