入行13年的鄭嘉穎，今年終於捱出頭來，在無綫台慶頒獎禮上榮獲三項提名，雖然成為最佳男主角的頂頭大熱，但得獎與否，他只以平常心看待，並認為就算付出努力，都未必一定有成果，但不努力就一定沒可能得獎。
今年可說是鄭嘉穎豐收的一年，雖然未到下月10日的台慶頒獎夜，仍未知鹿死誰手，但可以肯定的是，今年是嘉穎獲最多提名的一年，他憑劇集《天幕下的戀人》獲最佳男主角、飛躍進步男藝員及我最喜愛的電視男角色三項提名，加上獲無綫高層樂易玲器重，單看牌面他的確勝券在握。
一切隨遇而安
日前嘉穎接受本報專訪，提到他今年獲三項提名，他卻忽然自嘲說：「我舊年都有提名，只不過舊年冇人問，今年有記者問我有冇信心囉。」對於獲獎信心，他以一貫平常心的口脗說：「人一定要有信心，但唔可以over，獎項只係努力咗嘅附屬品，但努力咗未必一定有獎攞，不過唔努力就一定冇獎攞。我嘅心態一直都係隨遇而安，有獎攞我固然會繼續努力，冇獎攞都會繼續努力。」
嘉穎續稱對獎項的得失看得不重，他說：「可以咁講，我都默默耕耘咗咁多年，今年可以講話有啲收成，有咁嘅成績我都好開心，不過唔通攞咗獎我唔使再拍？攞唔到又唔使做？唔會㗎，所以有冇獎都係勉勵我要繼續努力啫。」
採訪：馮美茵 攝影：陳偉權
服裝提供：Zegna
