文字踢波一樣有Fans

文字踢波一樣有Fans

PS2或PSP友行埋講足球Game,大都會講《Winning》同《FIFA》。但換轉講PCGame,必定講隻叫《FootballManager》(FM)嘅文字足球遊戲。有批狂熱Fans仲開設咗個FansClub網站,內容有更新下載、遊戲教學,相當專業。不得不提,個FansClub由99年開辦到𠵱家,認真係死硬派。
叫得文字足球,的確9成係由文字進行,係踢波嗰刻先有個平面圖,上面用波點代替人形公仔踢波;基本上睇住佢踢,同用手掣操控動作嘅《Winning》完全兩回事,仲要係全英文,筆者心諗到底有咩好玩?喺FansClub討論區上,當然一面倒咁讚,點知睇埋其他討論區,一樣大把人讚隻07新版好正。見佢哋傾戰術、推介好球員、分享訓練方式,個個變晒做教練同球探咁款,令筆者心思思都想玩埋一份。玩落,起初對佢複雜嘅戰術指令唔多適應,但上手後真係覺得幾過癮,一隻注重「育成」元素嘅足球遊戲,始終係Game迷最Buy。
記者:陸俊雄

http://www.hkcm.com