古代戰爭片《墨攻》裏，吳奇隆飾演弓箭手子團，射術了得，外間更形容他與電影《魔戒》（TheLordoftheRings）系列裏的精靈神箭王子奧蘭多布魯（OrlandoBloom）甚為相似，對此吳奇隆笑說：「人哋係靚仔版，我係污糟版！」
畢業於台灣體育學院的吳奇隆，除擅長柔道和跆拳道外，對射術也甚有研究，最近他便在張之亮執導的新片《墨攻》裏飾演弓箭手子團，一展身手，更被指跟電影《魔戒》中的神箭手奧蘭多布魯甚為相似。
拍攝環境惡劣
日前吳奇隆專程來港宣傳《墨攻》，在尖沙嘴接受訪問，對於外間將他與奧蘭多布魯相提並論，吳奇隆笑說：「唔係，人哋係靚仔版，我係污糟版，黑啲，而且每次射箭時都會弄傷手指公。」
《墨攻》屬戰爭電影，帶出墨家兼愛非攻的思想，故片中不乏戰爭場面，吳奇隆表示最欣賞道具逼真，不過整個拍攝過程卻非常辛苦，他說：「因為拍戲嗰陣大多都係夜戲，仲要喺攝氏零下10幾度拍攝，嗰度又不時遍地風沙，拍攝環境真係好惡劣，難得嘅係所有演員都好齊心，一句怨言都冇。」
欣賞華仔好戲
吳奇隆在戲中跟飾演墨家智者革離的劉德華最多對手戲，更對華仔讚不絕口：「華哥同韓國嘅安聖基呢啲一級演員，食嘅住嘅同我哋一樣，佢之前又攞過咁多獎，演技已經被公認，難得係佢仍然每拍一場戲，都好用心同我對戲，呢份專業精神係好值得欣賞。」至於導演張之亮，吳奇隆表示今次雖是首度合作，但已感到很投契，他說：「我10幾年前睇呢本漫畫，仲買咗一套用嚟睇，另一套用嚟儲，原來佢同我一樣。」
採訪：何永寧
攝影：仇志德
