韓君婷、名模AnaR.及LisaS.等前晚在尖沙嘴出席時裝品牌TedBaker新店開幕，增磅成功的韓君婷一身低胸裙騷身材，她主動向記者澄清有報道指她與袁彌明爭仔，以及被本報拍下她在夜店樹熊式攬仔，她指完全不認識袁彌明男友，又指早前身體差、血糖低易見暈，要人扶實屬很平常。
韓君婷、袁彩雲和名模AnaR.及LisaS.等前晚在尖沙嘴出席英國時裝品牌TedBaker新店開幕，增磅成功的韓君婷以一襲藍色低胸裙示人，成為場中焦點。
問韓君婷現時磅數及三圍數字？她表現亢奮指要保持神秘，她說：「呢個階段嘅身形係我自己最滿意嘅，不過醫生同公司話肥啲仲好。」問用甚麼方法增磅？她說：「多餐、食多啲高營養食物囉。」
「扶一扶好正常」
其後韓君婷即時拉着記者說要澄清兩單關於自己的新聞，她說：「第一，有周刊話我同某女藝人（袁彌明）爭仔，我根本就完全唔識嗰個男仔，同埋本雜誌完全冇問過我半句就亂咁寫。」另一單則是本報早前拍下她在夜店樹熊式攬仔，她竟說：「話我樹熊式攬仔，你知啦，早排我身體唔好，血糖低好易見暈，搵個人扶一扶好正常啫。」
愛着50號西裝男
再問感情生活，以及有否跟同性緋聞好友陳早茵見面時，韓君婷說：「𠵱家唔諗拍拖啦，我同佢係識咗好耐嘅好朋友啫，我係一定會結婚生仔嗰種人，我之前拍親拖嘅都係男人啦，我嘅dreamman係高大同着50號西裝嘅男人。」
此外，與羅樂林、陳寶儀女兒羅苡芝拍拖的趙世曾兒子趙式浩，前晚也有出席活動，他說：「公開拍拖真係有啲壓力，不過爹哋好開通，佢都係睇報紙先知呢件事，睇完報道之後都冇問我半句。」
採訪、攝影：JessicaNgan
