劉綽琪過檔亞視後首套參與的劇集《義無反顧》，原定下月6日播出，與無綫台慶劇《肥田囍事》對撼，不過由於《肥田囍事》在開拍至播出的宣傳都非常強勁，首日播出收視已高達33點（約221萬觀眾收看），令亞視迫於無奈改播日劇《白色巨塔》，實行避開與《肥田囍事》作正面交鋒。
劉綽琪今年4月開始從無綫轉投亞視，過檔後旋即升格為亞視的阿姐級人馬，首套參與的亞視新劇《義無反顧》原定下月6日播出，她在新劇與郭藹明、譚耀文、葉德嫻及劉愷威等演員合作，以亞視劇集來看，演員的卡士已算是相當強勁，但亞視為免新劇要與無綫的台慶劇《肥田囍事》打對台，所以將《義》劇臨時抽起，改由江口洋介主演的日劇《白色巨塔》頂上。
「律師做咗三次」
劉綽琪在新劇中飾演反叛偏激、生活糜爛的雜誌美術設計師，她表示對角色充滿新鮮感，她說：「以前喺無綫被安排做司儀工作比較多，拍劇就多數飾演專業人士或者女強人呢類角色，律師都做咗三次，做得演員肯定想試多啲唔同嘅角色。」
開拓內地市場
對於新劇臨時被迫抽起讓路，改於下月底才推出，劉綽琪說：「拍嘅時候都唔知對住乜嘢劇嚟播，但覺得呢套係製作認真嘅劇，同劇演員又合作得好開心，其實拍亞視劇唔好淨係諗香港收視，內地真係好多人睇㗎，我本身最想開拓到內地市場。」
劉綽琪表示過檔後工作量有增無減，明年的工作安排得密麻麻，她說：「趁住呢套劇拍完，我會返美國探屋企人，爸爸已經73歲，佢下令話我再唔返去就以後唔使返。」
採訪：卓美娟
攝影：仇志德
髮型、化妝：JOE'SIMAGE@YvonneAu
