鄭融早前因工作壓力太大引致荷爾蒙失調，令她臉上長滿「瘡瘡」，幸好現在情況已有好轉，早前更輕露小蠻腰拍廣告，她謂保持優美身段是取悅男友的方法，難怪她經常喼弗啦！
即將加盟新唱片公司兼推出新碟的鄭融，早前拍攝纖體產品廣告，更露出辣椒小蠻腰，她謂保持健美身材是取悅男友的最佳方法，故此今次廣告特別找了男模特兒配襯她，還可一攬鄭融的小蠻腰。精挑細選後，最後起用新人徐政做男主角，鄭融說：「啲人話佢好似周杰倫，我就覺得佢左邊面似余文樂，右邊面似周杰倫。」
壓力大致失眠
此外，外表野性的鄭融原來也是緊張大師，每次出碟或表演前都感到很大壓力，以致失眠。早前她為了籌備新碟，壓力大增，最後因荷爾蒙失調引致臉上長滿「瘡瘡」，惟有四出尋求良方，希望盡快將「瘡瘡」消滅，她日前接受訪問時說：「我每次出碟都會好緊張，之後就會出瘡瘡，不過未試過好似今次咁嚴重，所以好多時我一照鏡就更加唔開心。」
中西醫都睇過
鄭融透露朋友不停介紹皮膚科醫生給她，有些歌迷更送上燕窩，可惜效用不大，就連醫生都勸告她只有放鬆心情才是唯一的方法，於是她工作後就與朋友看電影和吃晚飯，輕鬆一下，一星期後，她的病情果然改善了，她說：「我真係中、西醫都睇過幾個，但情況都係冇改善，我知道只有放鬆先幫到自己，咁咪多啲約朋友出去傾吓偈。」
採訪：李珮洳
攝影：葉君海
協力：陳順禎
化妝：VinciTsang.com
髮型：TavinLiu@HairCulture
服裝提供：BabyJane,FrenchConnection
場地提供：TheQuarterdeckClub
