韋斯咸𠵱家衰到咁，其實唔係咁關領隊柏度嘅事，始終落場踢波嘅球員表現差先係死因；所以球會主席布朗日前公開撐柏度，畀粒定心丸佢食。但話時話，雖然布朗睇佢台戲，但外國博彩公司就覺得柏度做唔長，而且接替人選古比士利嘅賠率仲愈嚟愈熱，而另方面英傳媒又傳前英領隊艾歷臣會執教㖭！