小職員OL被主任不小心摸到臀部，事件驚動經理演變成一宗辦公室鹹豬手風波。
網民「孤孤獨獨」日前在香港討論區留言「俾上司摸patpat，還遭無禮對待」，成為網上近日最熱爆話題，兩日內有逾12,000人觀看留言，200多人回應，連高登討論區也轉載。孤孤獨獨形容事發當日是「人生最恥辱嘅一日」，當時主任叫她幫手工作，因她不知道主任就站在她後面，故她站起身時，對方「隻手就摸咗落去我個pat度」，由於事出突然，她不自覺地驚呼，經理即問她發生乜事，「我咪話個officer摸我個pat，經理話咗officer幾句，話叫人做嘢唔使郁手郁腳。」
孤孤獨獨稱主任被鬧後心有不甘，「之後勁發我脾氣，又好大力咁拋文件落我個文件架度。天呀，我俾人摸，反而俾人寸、俾人鬧，天理何在？其實我知個officer係無心，但係佢連一聲sorry、一句道歉都無講。」但網上投票八成人指她小事化大，僅兩成人認為主任唔啱，有人諷刺她，「香港人多車多，身體接觸在所難免，咁巴閉着多幾條底褲，一係黐着張櫈嚟行啦。」