前晚睇拜仁對凱沙羅頓場德國盃，搞到我求大俠眼火爆，最後直情嬲到熄鬼咗部電視。都唔明白走咗波歷克對佢哋影響真係咁大咩？雖則最後憑奧圖一箭定江山，慘在贏波輸盤呢！而且翻查首圈賽事，拜仁要喺加時先至贏到聖保利，連續兩場都令捧場客損手爛腳；呢個禮拜聯賽對法蘭克福，真係少掂為妙。