今周末2線波早飛推介，集中周六晚秩序，提供1場英甲波及兩場法甲波，啱睇嘅不妨用埋嚟串今晚比賽過關！
周六晚英甲聯車士打菲特主場對伊奧維，初盤「平手」；就咁睇排名，咪以為現排聯賽榜次席嘅客軍，今仗唔使讓排第15位嘅車士打菲特，好似好筍咁；車士打菲特剛啱就喺周中聯賽盃，主場反勝英超聯球隊韋斯咸晉級。睇佢哋對住實力較強對手都無怯場，呢個「平手」盤，筍嘅其實係捧主隊就真。
博波爾多主場小勝
同樣係周六秩序嘅法甲聯，波爾多主場對色當，客軍今季表現一直無起色，真係長捧佢哋對家都得；波爾多就啱啱喺周中法聯盃踢咗場硬仗，作客贏歐塞爾1:0晉級，嚟緊雖亦有歐冠盃作客對利物浦嘅大戰當前，呢場返主場應該可以叫色當繼續沉淪，可以敲下波爾多勒住嚟踢開小勝戰果。
另一場法甲聯，特魯瓦主場對聖伊天，今季同特魯瓦都幾有「緣份」，次次掂親呢支法甲聯弱旅嘅比賽，不論捧佢哋贏輸和，華度都贏多輸少；原因呢啲波分分鐘好捉路過其他強隊，作客捧對家，主場就睇吓對手實力強弱去捧贏或和。今輪迎戰嘅係有多少實力嘅聖伊天，咪畀華度睇死又開場和局！文：華度