梁詠琪昨日在中環出席Ferragamo活動，平日甚少性感示人的她，穿上低胸裙亮相。問她與法籍男友Sly感情進展如何，她笑言尚在了解中，並謂選男友不論港男與老外，最重要是有內涵。
梁詠琪（GiGi）和莫文蔚（Karen）昨日齊齊以嘉賓身份，往中環文華東方酒店出席意大利名牌Ferragamo店舖重開的剪綵活動，GiGi更罕有地性感示人，風頭大勝Karen，兩人與品牌家族成員表現稔熟，頻頻錫面密斟。
「仲了解緊」
GiGi說：「我同呢個品牌嘅關係就好似一家人咁，我03年第一次開演唱會，佢哋已經贊助我。」見她與品牌家族後人JamesFerragamo甚好傾，問她覺得對方有型嗎？她說：「梗係有型啦。」
再問GiGi覺得意大利男士好還是法國男士好？她笑說：「邊關事㗎，欣賞一個人係要睇佢嘅氣質同內涵，冇得比較嘅，就算香港男士都有好多有風度㗎。」
那現時與法籍男友Sly感情到哪一步？GiGi說：「仲了解緊囉，仲係朋友，可能唔work㗎。」
Karen所穿的裙子不時露出打底衫的橡筋，她對此說：「唔係橡筋嚟，係件衫嘅設計嚟。」
古堡趣聞
Karen又大談之前暢遊Ferragamo意大利古堡的趣事，她說：「我同Ferragamo各人都係講英文，但大老闆個仔得幾歲，淨係識講母語意大利文，我就用意大利文同佢交談啦，佢見一個亞洲面孔嘅姐姐識講意大利文，表情好趣怪。」
採訪：林妙萍 攝影：陳志嵐
