早前有線娛樂新聞台採訪資深藝人關海山的喪禮期間，被無綫收費電視的女導演以紙張遮擋鏡頭，阻礙採訪和拍攝，事後有線致函無綫投訴。日前有線收到無綫外事部回覆，指事件是一場誤會，當日李姓女導演誤解傳媒在靈堂外可走動的範圍，故才做出該行為，強調並沒任何妨礙新聞自由的情況發生，並表示對事件感到遺憾。
教育員工
有線昨日在報章刊登聲明，表示無綫的回函雖有承認錯失，但無道歉之意，有線對回函態度不接受，希望無綫日後能加強教育員工。有線節目及發展總監鄺偉茗昨在電話中說：「我哋睇唔到點解會有咁嘅誤解，咁歷史悠久嘅電視台，竟然容許員工做啲咁嘅嘢，又唔明點解8月頭橫店發生衝突嗰件事，最近有人擺上網，如果咁叫做鐵證，咁就真係自暴其短。」無綫外事部助理總監曾醒明則回應：「呢兩單嘢發生咗好耐，再攞出嚟講好莫名其妙，要講嘅我哋喺信度解釋得好清楚，唔想再就呢件事糾纏落去，而且我哋員工有一定操守，知道自己做緊乜。」
採訪：林妃