在《遊戲天王》節目中被黃宗澤一捽上位的陳法拉，自小在美國長大，中文程度只屬有限公司，加入無綫後即獲安排拍攝多齣時裝劇，但原來陳法拉最恨做古裝美人，還積極學發音咬字，隨時候命。
現年24歲的陳法拉，最近因節目《遊戲天王》人氣急升。先有指黃宗澤狂捽女方玉手，之後又有網友報料，謂梁榮忠多次偷昅她與康華洩春光，觀眾可能只記得這些，對她的演出則印象模糊。
感激林峯照顧
其實陳法拉是去年代表紐約來港參選華裔小姐，力壓香港代表徐子珊奪得亞軍，加入無綫後參演多齣劇集，不過除《法證先鋒》外，《通天幹探》及《師奶兵團》尚未播出，新劇《溏心風暴》還在趕拍中。
陳法拉說：「我拍呢套劇（《溏心風暴》）好開心，除咗係因為廣東話叻咗，大家都好照顧我，尤其林峯對我好好，佢幫咗我好多。」
自幼在美國阿特蘭大長大的陳法拉，中文程度只屬有限公司，來港發展後，聽和講的機會多了，才漸漸進步，她說：「我𠵱家可以慢慢讀到劇本，不過最希望自己嘅廣東話可以講得字正腔圓，然後公司安排我拍一套古裝劇，我真係好恨扮古裝美人。」
陳法拉是家中獨女，如今隻身來港闖娛圈，她表示已適應了獨立生活，還說：「我份人平時好悶，放假好少出去玩，只係鍾意留喺屋企睇吓書，反而爹哋媽咪冇咗我喺身邊，佢哋好掛住我，惟有得閒飛過嚟探吓我。」
採訪：比華利 攝影：陳偉權
服裝：GuyLaroche（黑裙）、PrettyBecky
髮型、化妝：JessicaYuenofOsisSalon
