唔經唔覺，屬香港機迷每年盛事嘅AGS（亞洲遊戲展），已踏入第五周年，猶記得頭兩年搵嚟鄭秀文同陳慧琳做代言人，加埋玩足兩年嘅《GT4》，氣勢可謂一時無兩。到今年，大會主題為「高清數碼．今日解碼」，雖然SCEH尚未有任何公布，不過據了解推出行貨已進行得如火如荼，所以今年AGS重頭戲碼肯定係新機PS3攻勢，力谷打機同睇碟嘅高清享受，大會更搵嚟阿王郭富城擔當代言人，亦一如慣例設計一系列Cyber造型畀佢；全身緊身衣加戰靴打扮，速度感澎湃，仲命名為「飆極風之子」，襯晒城城鍾意賽車嘅形象。由此推斷，話唔定港機迷喺今年AGS度，可以親身試玩埋PS3賽車重頭作《GTHD》㖭！
記者：徐影龍
亞洲遊戲展2006
舉辦日期：12月15至18日（灣仔會展）