蔡卓妍（阿Sa）和余文樂前晚一起出席電影《妄想》首映，有份演出該片的梁洛施（Isabella）因被英皇雪藏而缺席，阿Sa對此說：「佢𠵱家咪幾好，可以有時間學吓英文同做戲。」
彭順導演，蔡卓妍、余文樂和梁洛施主演的電影《妄想》前晚在尖沙嘴海運戲院舉行首映禮，主要演員均有到場，惟獨被英皇雪藏的Isabella缺席，鍾欣桐（阿嬌）、董敏莉和江若琳也有來撐場，不過阿嬌避免搶阿Sa風頭，故沒有接受訪問。
保安唔識阿嬌
有傳英皇因Isabella和卓韻芝前男友、音樂人陳輝陽談戀愛而雪藏她，故不能出席首映禮，阿Sa沒正面回應，但她竟說：「佢𠵱家咪幾好，可以有時間學吓英文同做戲，我同阿嬌想學都冇時間呀。」
此外，阿Sa亮相首映時，一直有兩名保安護駕，事後她說：「英皇珠寶贊助咗七位數字嘅鑽石鏈畀我戴，咁珠寶行咪派出兩個保安嚟睇住囉。頭先啲保安認唔到阿嬌，當佢想走埋嚟打招呼時，保安將佢推開咗。
有才華唔怕雪
「講真我都係第一次戴咁名貴嘅首飾出席呢啲場合，之前我都幫襯楊生間珠寶行買咗條價值六位數字嘅手鏈畀媽咪做生日禮物，媽咪開心到眼泛淚光，見佢咁開心，咁貴都係值，而且楊生仲畀我分10期還，真抵！」
余文樂則認為Isabella不能出席首映十分可惜，他說：「其實Isabella好有潛質，有才華嘅人唔怕呢啲嘢。」
至於吳鎮宇憑《臥虎》獲提名金馬獎最佳男主角，有份主演該片的樂仔並未因自己落選而不快，他說：「鎮宇成日都有提名，我都唔覺稀奇，佢一向都好戲，如果我有提名先至奇怪啫。」
採訪：何永寧 攝影：陳俊強
