甄妮日前接受商台訪問，除咗宣傳自己嘅演唱會之外，仲講笑咁話自己嘅身家可以食過世，但係就為咗自己個農莊，所以先決定開演唱會搵銀買飼料。講到早前同拍咗拖多年嘅律師男友分手，甄妮話：「我從來冇諗過結婚，邊個敢娶我？我性格好strong，所以拍拖有效期只可以有5年，我哋已經延長咗，見好就收，唔好等7年先癢。」