臨近11月11日發售大日子，網上滿布PS3相關資料，繼免費Online服務、預定跟PSP一樣可下載舊有PS遊戲後，最新消息亦最令港機迷鼓舞嘅，肯定係PS3網頁瀏覽器將支援BIG5及GB碼，即係一出機已內置繁、簡中文字體，毋須像PSP般等足成年先睇到中文，到時日日用PS3上網睇《蘋果》都仲得！
官方還公布網頁瀏覽器支援JavaScript同Flash等熱門Plug-in，近日SCEA喺其中一個試玩會Gamer'sDay度，就即場示範連上YouTube播短片效果。而且仲可對應滑鼠同鍵盤操作，可算比手提機PSP更完善，不過暫時仍未得知可否以倉頡輸入中文，抑或像微軟XB360般用「注音輸入法」。
記者：徐影龍