林峯和吳卓羲兩位當家小生，即將有機會踏上紅館台板，感受做歌手的滋味，不過兩人的心情同樣是既驚且喜，做新人除怕錯漏外，還怕甩嘴、甩舞、甩歌詞，林峯笑說：「今次好在有個兄弟一齊，有乜嘢事都有人share！」
林峯和吳卓羲（阿Ron）兩位當家小生近日被無綫睇中，被安排於下月「我們的世紀金曲」演唱會同台，唱出已故歌星羅文、張國榮、梅艷芳的經典快歌，屆時兩兄弟使出渾身解數，又唱又跳。
怕忘記歌詞
早前林峯和吳卓羲收到消息可踏上紅館的台板，第一個反應均是很開心，但開心之後就是擔心，林峯說：「拍劇日接夜、夜接日，都唔夠時間排，我同阿Ron都係夾過一次，大家個期都夾唔到，就只有各自練，我就錄咗首歌，平時自己得閒就練，第一次喺紅館做騷，真係有少少緊張，同埋我出咗名係失憶王，成日唔記得歌詞，所以我最驚就係記歌詞。」
在大家印象中，林峯和吳卓羲是一個唱得而一個跳得，在台上應該可以互補不足，林峯說：「好難喎！大家最好唔好依賴對方，不過好在今次有個兄弟一齊，有乜嘢事都有人share。」吳卓羲同樣忙於拍劇，近日還開始作感冒，問他會否擔心影響下星期的演出，阿Ron說：「𠵱家最擔心係冇時間排舞，我仲慘過阿峯，佢排嘅時間仲多過我。」
採訪：楊潔雯
攝影：陳順禎
