住喺觀塘、九龍灣真係有食神！近排有日本MosBurger開喺apm，不過講話題性，都係韜韜喺九龍灣間大榮華；香港討論區有個Mucho網友爆晒粗：「大榮華啲員工態度勁惡劣，今日（10月23日）打電話去諗住訂位，同個Book位阿姐講想Book下星期，佢話：『冇啦！Full晒』，再問佢幾時會有位，佢好晦氣咁話：『下星期唔會有，再下個都唔會呀！』之後Cup咗我線！」「我再打去，佢超晦氣咁對我發脾氣：『都話Full晒Full晒Full晒！冇位呀！』」
「我再打去要搵經理，我等咗勁耐先有個姓鍾嘅經理接，我問佢係咪唔可以訂位呀？佢話要10個人以上先可以訂；大佬呀！你有啲咁嘅規矩，你就唔好喺個牌上面寫住歡迎訂位啦！佢話要到11月24先有位，佢仲話聽日都有2個位，要訂就快啲喇，之後又狠狠咁Cup我線！」
記者就此事，以顧客身份連續打三個電話訂枱；基本電話響了三通已有人接線，而且相當有禮貌，至於訂枱服務則接受8人或以上的預訂服務，但Full枱嘅問題仍頗嚴重！店員解釋每日只預留8張飯枱作預訂服務，而且會留低2/3的食枱作即場輪候，所以訂唔到枱一樣可以Walk-in，真係幾照顧到不同客人需要；基本下午4:30開始派籌，但就個人經驗，4:00pm已經開始出現排隊人龍，有心試菜唔該預早啲！
記者：朱崇德
網址： http://www12.discuss.com.hk/viewthread.php?tid=2598890&extra=page%3D1