佘詩曼昨日到商台接受訪問，談到她跟胡杏兒均是台慶最佳女主角獎的熱門人選，兩人力爭獎項之餘，有報道更指「全台倒佘」，不過阿佘對傳聞處之泰然，她說：「我知道『全台倒佘』個新聞，真係有啲驚，其實我都覺得杏兒幾好，肥得好可愛。鄧萃雯同蔡少芬都好好，不過要喺咁敏感嘅情況下揀一個就唔好喇，總之好多個都睇好。」
「睇吓人有乜優點」
昨日有周刊指阿佘為了爭獎，不惜在高層前拍枱，對此她感到摸不着頭腦，並謂不會回應該報道，她說：「我會平常心參加頒獎禮，攞到梗係開心，攞唔到就睇吓人哋有乜優點囉，當然信心就一定有。」有傳無綫有感獎項競爭激烈，有意將女主角獎一開二，阿佘就強調一切交由公司決定，無論得獎與否都會開心。
採訪、攝影：駱華齡