一桶電油惹來殺身之禍！中港貨車司機在大埔吐露港公路被活活燒死，反映不少職業司機缺乏危險意識，隨便將電油放於車廂運返港使用，等同載着「計時炸彈」通街走，隨時車毀人亡。
貨櫃運輸業職工總會主席趙資強說，很多重型車輛停車場位置偏僻，不少司機會以私家車「駁腳」來往寓所與停車場；因為私家車用電油，內地油價較本地便宜一倍多，司機一時貪念，趁返內地順道購買電油自用，據他所知這種情況在業界相當普遍。
精神科專科醫生黃以謙說，電油與天拿水等，同屬揮發性強的有機溶液，人體吸入後會產生幻覺，過量吸入更加有痙攣及昏迷可能。他指出，電油可透過鼻黏膜的微絲血管入血，很快上腦：「如果大力咁吸入，只要兩啖就令到個人飄飄然，好似飲醉酒咁。初時會覺得頭暈、頭痛，之後會覺得手腳好輕，跟住就會好似同現實脫離咗咁，難以控制手腳。」
內地維修車輛乏保障
不過，即使在有冷氣的車廂環境內吸入電油，「都唔會好嚴重嘅，個人嘅神志應該仲係清醒，可以停埋一邊唞吓，不過佢可能會以為係自己攰，同有電油味都好正常而冇理，咁就大件事。」
香港汽車修理同業商會理事長李耀培直指，在車廂內放置電油是一件相當危險的事：「咩情況之下都唔應該咁做，因為電油嘅揮發性好高，行駛時搖搖吓好易會散出嚟，吸入會令人有high嘅感覺，成個人反應慢晒，遇到事都唔識點反應。加上係易燃物品，萬一有咩事就好搶火，如果司機有食煙就仲危險。」
對於部份中港司機會在內地維修搵食車，令車輛的機件容易出現毛病，李耀培亦不敢恭維：「先唔比較技術同手勢，佢哋咁平，由於零件未必好，部份仲可能係假貨，所以品質水準都冇保證。」他強調，無論車輛有否出現毛病，職業司機都應定期到車行檢查及維修車輛。
全港司機大聯盟主席葉偉志則關注職業司機缺乏車輛保養意識，很多司機忙於搵食，往往忽視保養，連每年運輸署強制性驗車，也找「包驗」車房敷衍了事：「大部份司機抱住頭痛醫頭心態，等架車跪底（壞車），先至拖車去整，都已經七勞八傷啦！」
