男人在外面招惹了麻煩事，理應禍不及妻兒，品性率直的喵粉，一不小心向大耳窿洩露了父親的電話號碼，對方恐嚇其父，表示知道他的家人住在哪裏，暗示會對其妻兒不利。嚇得喵粉憂心忡忡，擔心大耳窿會上門追數，甚至綁架他作人質，威脅其父還錢，網友勸他報警或搬家，否則債主臨門後果堪虞。
喵粉在香港討論區留言稱，「出賣咗老竇（電話號碼）畀大耳窿，我死得喇！」他並非與父同住，前日卻突然有人致電找他父親，他不以為意把電話號碼告訴對方。但一小時後，他的父親來電質問，並說查問電話號碼是負責收數「嗰啲人」，喵粉這時才知闖禍，「我知今次大鑊喇，我仲話過係佢個仔，𠵱家驚死我喇。」
怕被綁架作人質
更令喵粉坐立不安的是，收數佬還說知道他住在哪裏，「佢（追數佬）就算搵上門都搵唔到我老竇啦，我老竇都唔喺度住，如果佢真係衰人，捉咗我威脅老竇都得。我根本唔知老竇借咗幾多錢，佢同我基本上分開咗接近10年，呢件係老竇自己嘅事，好無辜呀！」
網友對無端惹禍的喵粉深表同情，有人提醒他記得買六合彩，「中咗咪無事囉。」magickwan提議他報警，而且要「喺屋企放把刀同鐵通，有乜事同佢哋死過。」呀隆則以一副過來人口脗說，其兄長也曾被追數，報警於事無補，因有警察上門向他說：「如果你哋屋企人真係欠人錢嘅，最直接解決方法只有還錢，出得嚟借，預咗要還，還咗咪又係一條好漢囉。」如果有錢還，仲使攪成咁咩？