係呀，我會繼續留喺明尼蘇達，我再講多次，唔會賣屋，damn！
Man，每日十幾個電話，唔係問我轉咗會未，就係問我有冇興趣係洛杉磯、芝加哥同費城呢啲所謂我嘅新東家買定樓先，你唔煩我都煩啦！我知，LA之前傳得好犀利，話會用加域布朗、史麥斯柏加同奧當換我呀嘛，所以啲agent咪不停問我會唔會放咗間屋囉。
身價冠聯盟物有所值
講真，總裁麥希爾都出到聲，話我係untouchable，一定會留隊㗎啦。雖然我身價要成2,100萬（美元），又係全聯盟最貴，不過，呢啲都係有供有求啫。市場覺得我值呢個價，先有老闆會揼錢；我假假哋都贏過MVP，又同時入選過最佳一隊同防守一隊，你估真係咁易咩！再講，我真係場場都交足貨㗎，試問你有冇聽過有人批評我冇heart先？
為贏波忍唔住鬧人
前幾日同AI傾過電話，Man，我兩個都可以話係同病相憐，成個夏天都聽住自己會換咗去呢度嗰度嘅新聞。不過我都好啲，事關之前幫三間宣傳，可以出去上海同北京散吓心，食吓小籠包同北京填鴨，心情都好番啲；加上我個4XL基金又多活動，又要陪老婆Padilla四圍shopping，日子都易過啲。
由高中出道至今，不經不覺都成30歲，火氣都好似冇以前咁大；不過一見到啲隊友練波唔認真，好似唔想贏咁，就忍唔住省佢哋一餐。前幾日練波先鬧完希素，卻斯教練仲叫我唔好咁躁，Man，我成日都講，Idon'tplaytosweat,Iplaytowin；唔想贏嘅，就唔該同我出去。
好多人都睇死我、AI同Paul-P冇乜機會贏到總冠軍，之但係我又唔係咁諗。今年我哋有TrickyDavis、MikeJames攞分、Blount打中間，加埋新仔科耶，仲有酒鬼、sorry，係老鬼比加先真，個陣容睇落都幾好呀。
就因為咁，今個夏天我冇返加州自己操，反而專心留係明尼蘇達同班隊友夾波。我哋只係差啲默契，只要隊波夾耐啲，新一季絕對有希望；所以我點都唔會走，今季最少……，都要打入西岸決賽啦！
係呀，我會繼續留喺明尼蘇達，我再講多次，唔會賣屋，damn！
Man，每日十幾個電話，唔係問我轉咗會未，就係問我有冇興趣係洛杉磯、芝加哥同費城呢啲所謂我嘅新東家買定樓先，你唔煩我都煩啦！我知，LA之前傳得好犀利，話會用加域布朗、史麥斯柏加同奧當換我呀嘛，所以啲agent咪不停問我會唔會放咗間屋囉。
身價冠聯盟物有所值
講真，總裁麥希爾都出到聲，話我係untouchable，一定會留隊㗎啦。雖然我身價要成2,100萬（美元），又係全聯盟最貴，不過，呢啲都係有供有求啫。市場覺得我值呢個價，先有老闆會揼錢；我假假哋都贏過MVP，又同時入選過最佳一隊同防守一隊，你估真係咁易咩！再講，我真係場場都交足貨㗎，試問你有冇聽過有人批評我冇heart先？
為贏波忍唔住鬧人
前幾日同AI傾過電話，Man，我兩個都可以話係同病相憐，成個夏天都聽住自己會換咗去呢度嗰度嘅新聞。不過我都好啲，事關之前幫三間宣傳，可以出去上海同北京散吓心，食吓小籠包同北京填鴨，心情都好番啲；加上我個4XL基金又多活動，又要陪老婆Padilla四圍shopping，日子都易過啲。
由高中出道至今，不經不覺都成30歲，火氣都好似冇以前咁大；不過一見到啲隊友練波唔認真，好似唔想贏咁，就忍唔住省佢哋一餐。前幾日練波先鬧完希素，卻斯教練仲叫我唔好咁躁，Man，我成日都講，Idon'tplaytosweat,Iplaytowin；唔想贏嘅，就唔該同我出去。
好多人都睇死我、AI同Paul-P冇乜機會贏到總冠軍，之但係我又唔係咁諗。今年我哋有TrickyDavis、MikeJames攞分、Blount打中間，加埋新仔科耶，仲有酒鬼、sorry，係老鬼比加先真，個陣容睇落都幾好呀。
就因為咁，今個夏天我冇返加州自己操，反而專心留係明尼蘇達同班隊友夾波。我哋只係差啲默契，只要隊波夾耐啲，新一季絕對有希望；所以我點都唔會走，今季最少……，都要打入西岸決賽啦！
文：仙道彬
電郵：[email protected]
今日主角
姓名：加尼特
球隊：木狼 位置：前鋒
年齡：30歲 年資：11年
特徵：有「狼王」稱號，是NBA最全面球員之一，可惜始終未贏過總冠軍