下個月1號至4號喺紅館舉行嘅「我們的世紀金曲演唱會」，除咗有汪明荃（圖）、鄭少秋、薰妮等唱家班坐鎮外，最新消息公布話楊千嬅、陳慧琳、古巨基同周華健到時都會亮相。噚日汪明荃喺將軍澳電視廣播城見記者嗰陣趁機懷緬過去，仲好自豪咁話：「我有幾首歌可以做到金曲，都好榮幸，記得《萬水千山總是情》係第一套入內地嘅電視劇，當時好多人都係唱粵語版㖭。」