纖體豐胸成風，擁有嬌人身材的min卻渴望「平凡」，她自言外形嬌小，只有160cm高，86磅重，「但係cupsize（上圍尺寸）大，之前都要戴70D，不過成日都覺得唔舒服。」她說自己豐滿身材來自遺傳，「我媽咪嗰邊啲親戚都好勁，我好細個就意識到呢個問題，所以一直都着鬆身、布料又挺嘅衫，我咁大個都冇着過緊身衫。」
她聽從閨中好友建議買新bra，店員為她度身後讓她試70F，「我心諗，我有冇咁勁呀？就咁望落去，我冇乜（身材）㗎喎。」「升cup」後她果然感到「鬆鬆哋」，以為店員會讓她試穿細碼，「點知再嚟畀個65G我試，又啱喎。」她說雖然感到新bra「好緊」，令她覺得「好攰」，但最終還是買了兩個，「好貴，買兩個要$840，但係唔通唔買咩？慳呢啲嘢，遲早累咗自己。所以話，上圍勁其實係對我哋精神上、肉體上同金錢上都有好大負擔。」
BeautyExchange的姊妹關心min遭遇，「你咁瘦又咁大，出街一定成日畀麻甩佬昅，好慘。」chocolate稱，「咁你又真係慘啲嘅，不過好少咁瘦會咁大！有時的確縮胸比擴胸難。」有人指她身材比例不均，應酌量增肥達至較平衡體態。