政府前日正式起訴民間電台，告佢哋非法廣播，唔知煲呔會唔會𡁻張炳良，貴為行會成員，竟然知法犯法、幫非法反動電台開咪？
八方同人稱張良嘅張炳良傾呢單嘢，佢就用秘密為由，冇回應有冇俾煲呔𡁻過，只係承認真係唔應該口快快，喺條街度應承阿牛嘅邀請開咪，話咁做唔多恰當。
話晒好多頻譜都冇用，但人哋民間電台申請你唔畀，又要拉人封舖冚檔，都真係幾衰。不過張良梗係要撐政府，話咁你違反法律，政府唔可以無行動喎，佢希望政府快啲處理人哋嘅申請。
如果八方冇記錯，開電台係要特首同行政會議批准，咁張良好應該喺行會裏面，游說煲呔畀牌民間電台啦！
至於選唔選選委，張炳良就話仲諗緊，但就預咗再選就肯定比上次少好多票，因為啲學界覺得佢幫煲呔囉。