恒生出咗名夠成本效益，「成本對收入比率」（用來量度成本效益）差不多行內最佳，主因係可以分享滙豐資源。
《亞洲華爾街日報》出咗個「亞洲200間最受推崇機構」調查，話恒生喺「財務實力」方面獲選為香港最佳機構，但「回應客戶需求的創意」、「管理層的遠見」、「產品及服務質素」以及「聲譽」卻不入五大。即使係咁，恒生喺整體排名仍高居第七，不單止超過香格里拉、利豐同思捷，而且仲係唯一一家位列首十位嘅銀行。咁點解滙豐反而入唔到十大呢？原來滙豐控股係喺倫敦註冊，唔算亞洲區企業。
該報又話，恒生嘅成本效益比率遠低於香港其他銀行，來自分行的非利息收入亦較高，反映該行積極擴展財富管理服務。