有車行透露最近有名行為怪異、打扮艷麗的女子經常在金鐘及尖沙嘴陳列室出沒，她會向職員要求試車，目標是Mazda32.0Sport。但該名女子每隔一日就來，還因應車的顏色作出悉心的打扮，襯晒色去試車，車行本着服務至上當然滿足女子的要求，更何況該名女子豪爽地一擲千金買齊12隻色，咁闊佬的客都係第一次見。
記者：陸伊琳
攝影：陳陶鈞
鳴謝：MISSHA、anotherF.C.K.
街坊憶述阿Va怪異行為
1.阿Va童年陰影：「好娘呀，人同架車唔襯，架車落喺佢手真係糟蹋晒。」
2.反常行為：襯唔啱就唔買!試車要試勻咁多隻色。
3.豪爽舉動：一試啱又襯到色，隻隻色都買勻!
「本報訊」女事主姓陳，名阿Va，本報接獲車行報料，懷疑阿Va患有精神病，幾經轉折終於聯絡上阿Va做訪問。阿Va表示自細好鍾意車，一看中就會不惜代價去擁有它。「別人覺得我瘋癲，但細心一想，女仔買衫可以一個款買幾件唔同色，眼影又可以買好多隻色，點解車唔可以?」
阿Va比一般人更正常，只不過她鍾意的是車，每逢用車，都想同架車襯一襯。車行的人雖覺得她行為怪異，但每次見到她，開心都嚟唔切，因為財神又嚟喇。
多「色」打女士主意
阿Va表示，最初是借朋友架Mazda32.0Sport，一揸鍾情，好爽好舒服，跑得又睇得，最正是有12種顏色，好似眼影一樣，可應不同場合，去選擇唔同顏色的車。
「假日郊遊我偏愛彩藍色，感覺好Relax，好陽光；去晚宴黑色就最啱，返工我會選擇紫色。隻顏色靚，眼花心又多，索性隻隻色都買，無罪㗎！」不過據悉她每次去睇車，都會襯埋衫，化埋個同色調的妝去，點解?阿Va解釋：「皆因貪靚，襯唔到我唔會買。」
據阿Va密友透露，她有此買車癮是因童年陰影，據聞當年18歲考獲車牌後，興致勃勃穿起紅綠艷麗服飾，化個鬼五馬六的妝，揸老竇架啡色「前七」去威，點知被一眾街坊笑佢似「聖誕樹」，男朋友為怕瘀更一走了之。所以之後阿Va不只對車的性能有要求，對於外貌顏色及自己的配襯亦很講究。
知多啲 怪現象：狂出騎呢色滿足腌尖客
有人笑黃色似工程車，但好多車款都有出黃色，皆因顏色Sharp，有一定的捧場客。Mazda32.0Sport有12隻色，大路的黑、白、灰、紅、藍等都有，而偏門有淺色冰藍、深紫等亦有，就連灰色都有三種選擇：深灰、炭灰、銀灰都有齊，實行滿足晒所有人。
藍色車襯活潑藍妝：
黑色車冷艷黑妝：
專家教路：襯得「太絕」未必好
StylistMeegan表示要襯唔好一窩風襯晒同一隻色，服飾上可以以白或黑來緩和一下個色調；例如襯架藍色車，如果上衣及下身都用同一隻藍色，「太絕」會好嘔心。另一方面化妝上，想襯番同一色調，可以在眼影上落點功夫，不妨利用深淺顏色來配搭，這樣會更有層次感。不過若是你選擇黑色的車，想襯就易好多，由頭至腳你都可以黑襯黑，Smokyeyes、黑色晚裝、西裝，型到爆!
Mazda32.0Sport規格
引擎：1,999c.c.直四S-VT
馬力：150ps/6,500rpm
扭力：18.7kgm/4,500rpm
傳動：5前速Activematic半自動波箱
售價：$169,800
查詢：萬事得汽車（28931112)
眼影提供：MISSHA(31881362)旺角兆萬中心地下G1-G2舖
服裝提供：anotherF.C.K.（27248588）
尖沙嘴加拿芬廣場地庫