全港機迷窮追不捨嘅903SH，近日由於日本Vodafone停產原故，搞到有錢都買唔到，非常冇癮！但另一邊廂，日本最大網絡商NTT卻為SHARP推出903SH嘅升級版本，型號叫做SH903i。講到兩者最大分別，就係個芒擴大至2.8吋，而且繼續用番原廠最煞食嘅AQUOS技術，作為DC取景器固然好適合，但用嚟播放3G視像串流睇片就更加過癮喇！另一提升嘅地方，就係厚度比以前纖薄咗，只有20mm，就算女仔放落衫袋都好方便。加上今次機身顏色唔淨止有黑、紅兩種，仲追加銀、藍兩隻新色。如果呢部機有機會喺香港推出嘅話，實在係萬民之福喇！
記者：陳國輝