香港是法治之地，不付鈔吃「霸王餐」，分分鐘會惹官非。親子王國會員Vincent913日前卻親睹「怪招食嘢唔畀錢」事件，「唉，我都唔識評論呢件事，只可以講間餐館好好人。」
Vincent913日前在韓國餐館用膳，鄰枱坐了分別年約40多歲及10多歲的母女，兩人吃喝一輪後叫埋單，這時母親忽然有點不對勁，「個媽媽突然似醉酒暈咗，個女話唔夠錢畀，但媽媽銀包就冇錢。」侍應面對這情況十分𢱑頭，「搞完一輪之後，餐館惟有收咗女仔身上所有錢就算數。」
神志不清的母親聽見餐廳「放人」後突然清醒，「仲識起身行㖭」，餐館經理隨即現身了解事件，「個媽媽又暈返坐響度，重係『爛醉如泥』嗰隻，要經理同侍應抬佢去第度坐。但經理一行開，兩母女就急急腳走咗。」Vincent913說若他是老細肯定不會中計，「一係報警，一係叫十字車，唔畀佢哋咁易走。」feebie批評該母親教壞細路，網友大眼肥妹也說：「呢啲人教出嚟嘅細路唔慌好得去邊，唔好以為好似攞到着數，最終受害嘅係個細路。」