雖然我shopping精經常收好多追求者送嘅禮物，都收到有少少麻木，如果連續收到唔合心意嘅禮物，都咪話唔心煩。不過好彩我總有辦法「解決」佢哋！噚日寶寶拎住部最新型號手機嚟搵我，見佢苦口苦面，原來佢男友送咗部新電話畀佢，但佢嫌個型號「佬味」太重唔襯佢。~(-_-)~
咁好簡單，我即刻教佢黐啲閃石上去，最好遮晒成個電話，鍾意黐乜嘢顏色、乜嘢圖案都得，DIY黐一部電話只係20至100蚊。點知佢眉頭皺得更厲害，仲扁晒嘴咁話：「鬼唔知咩！黐滿晒閃石，遲啲我想舊機換新機，trade部電話咪唔值錢囉，可能蝕幾百蚊㗎！」~(》_《)~
儍豬嚟嘅，我一早問過我位做手機生意嘅姐夫，佢話無論係手機網絡商定係賣手機嘅連鎖店，黐閃石同黐貼紙都唔會影響電話嘅回收價。不過，好多人都唔知，搞到唔敢幫部電話扮靚，真係少咗好多樂趣。
逢周一至周四刊出