喺上周日舉行嘅世界一級方程式大賽巴西站賽事，因為驚險鏡頭頻生，有「車神」美譽嘅舒密加，經過今站賽事之後會正式結束F1車手生涯。
其中一個喺網上好Hit嘅Topic，就好似網友Revvv喺《香港討論區》所開嘅「舒麥加F1賽車生涯最後告別一戰─巴西！！！」咁，佢話：「過埋呢一站，舒密加漫長嘅賽車生涯就要劃上句號……」，而micmic913回覆話：「剛才睇緊Raceday……真係有D感觸。」另hatasa則話：「老舒雖然三甲不入，但真係全年最好看的一場！真係有啲唔捨得佢！」
真係唔好話你哋，我都有啲對舒密加嘅退休感到可惜，始終佢係繼已故車手冼拿之後，惟一一個令全球F1Fans大叫技術好嘅車手。雖然有人話佢唔係真係咁出色，但始終佢能夠拎到咁多年世界冠軍，肯定會有佢嘅過人之處，如果唔係又點可能贏得咁緊要呢？
記者：鄭達基
討論網址： http://www10.discuss.com.hk/viewthread.php?tid=2577549&extra=page%3D1