提到食蛇羮，好多女仔都話怕怕，不過對家族以做蛇羮起家的吳煌姿（Gigi）來說就特別意義深長，她說︰「蛇羮滋補又養顏，日日好多人都排隊等住食，蛇王芬都係靠佢起家。」來到Gigi這代，已經是第四代掌門人，不說不知，年紀輕輕的她在外國接受教育，獲得碩士銜頭，我好奇問︰「讀到碩士做乜最後都要幫屋企打工呀？」都是例牌答案︰「爸媽年紀開始大，當然要有個人接手。」Gigi亦因為媽媽說做飲食有火會較旺，而原本名字欠火的她因此改了名。
修讀市場學的Gigi想讓更多人認識蛇王芬的菜式，所以近幾年做了不少市場和推廣工作，「我想將舖頭做得更年輕活潑。」不過Gigi初接手時話自己係「一嚿雲」，阿媽又擔心，都俾夥計話過浪費金錢，不過之後蛇王芬的成績愈來愈好，又有媒體報道，客人又非常賞識，先至放下心頭大石。
記者︰方綺君 攝影︰何家亮
芥蘭炒皇牌鴛鴦腸$75
鴛鴦腸乃自家出品，不含防腐劑，芥蘭炒過後顏色依然翠綠，原因是炒前先用冰糖水煲熟，再以薑葱炒，最後埋個清湯芡，一點都不油膩。
木瓜南杏燉豬𦟌$50（前）
花膠百合燉水鴨$68（後）
燉湯是生招牌，每日可以賣450碗之多，用鮮老雞、鮮豬骨和金華火腿等用慢火煲12小時，很多在中環白領都鍾意飲番盅潤一潤。
蛇羮$60
蛇王芬的蛇羮以鮮骨煲湯底，再加其他材料和佐料。多年來堅持用新鮮生拆蛇肉和加入花膠，一碗約12安士的蛇羮內有兩塊花膠㗎！
蛇王芬（25431032）
地址︰中環閣麟街30號地下（近中環自動電梯側）
