聯想晉身跨國企業，玩世界波，喺全球提升品牌知名度係佢哋現階段首要嘅工作之一。繼早前世界盃期間搵到細哨朗拿甸奴做集團代言人後，最近又有新搞作，就係拍住NBA美國職業籃球協會嘅大名做宣傳。
聯想同NBA噚日宣布，雙方組成長期市場合作夥伴關係，聯想會喺NBA全部30隊球隊嘅場館內，設置ThinkPAD、ThinkCentre同Lenovo3000筆記本及台式電腦，為超過1300場NBA常規賽同季後賽，提供數據記錄同埋信息處理。
聯想又會參與「NBA關懷行動」，捐贈個人電腦畀弱勢社群。佢哋仲喺06至07嘅NBA季度賽上，搞咗個「聯想指數」（LenovoStat），計算每場比賽中最佳球員組合情況，並於賽事完結後，上載到NBA.com同NBATV，真係創意無限！
聯想指數用來計算每場比賽中最佳球員組合情況，仲會上載到NBA.com同NBATV。