陳奕迅（Eason）前晚在將軍澳錄影節目《全心做好職安健》，記得數年前他在台灣出席校園歌唱活動時失足跌下而弄傷要害，問他現在演出是否更注意安全？他說：「唔係淨係我，其他人都要注意工作安全，不過以前見到台上有喇叭會跳過去，𠵱家唔會喇，會小心啲。」
緋聞男女合作
以前曾有報道指Eason因弄傷睪丸而未能生育，謠言現已不攻自破，Eason說：「係啦，唔明點解又生到。」問Eason可會追多個？他笑說：「遲啲先，過埋呢一、兩年先。」
此外，曾傳緋聞的梁榮忠和朱凱婷前晚一同做主持，朱凱婷謂沒有尷尬，反而梁榮忠就此地無銀三百両說：「知你哋問乜啦，好out啲新聞，唔好嘥大家時間，TVB咁大個台，咁多司儀，要重複合作都需要一段時間，我都有叫Heidi（朱凱婷）一齊影相。」
採訪：楊潔雯 攝影：葉君海