方大同（圖）噚日去商台接受訪問，宣傳新歌《歌手與模特兒》。馮仁昭一聽到歌名就即刻聯想起黎明同名模女友樂基兒，不過方大同就話：「唔關事，雖然好多人都係咁諗，但係首歌個意思其實係話鍾意一個人唔使注重表面嘢，首歌仲係林夕幫我填詞㖭。」不過馮仁昭好有興趣知道方大同會唔會再整多首《師姐與師弟》送畀緋聞女友薛凱琪聽呢？