囡囡4歲，鍾意米奇、米妮、Kitty、大口仔、企鵝，初次出埠，除了日本，根本不作他選。單是一個東京，排山倒海的主題樂園，真是玩足十日都不會厭倦。只是天天與樂園為伍，原來真的會筋疲力竭……
記者：李莉
部份圖片由被訪者及(c)Disney提供
東京廸士尼 十月鬼影處處
囡囡去完土產廸士尼的哈佬喂慶典，才過半天就扁着嘴說：「媽咪，不如返去東京廸士尼啦！嗰度大咁多，仲有廸士尼海洋呀！我好想再坐嗰啲飄上飄落嘅七彩水母喇，去探人魚公主聽佢唱歌仔，仲有……」她撒嬌的說着，沒辦法，東京廸士尼對她來說，實在是個難忘的回憶。尤其十月份，東京廸士尼聽說也在搞萬聖節派對，但活動之規模可比香港的大型得多。要是有時間，我也好想和她再去……
即日開始的廸士尼萬聖節，今年當然又是大堆頭製作。最精采的是萬聖節巡遊「Scream&Shout」，成班廸士尼嘩鬼扮鬼扮馬，坐上南瓜車、鬼車，恐怖的可愛的，總之七彩繽紛，看得人賞心悅目。還不夠嗎？日落之後登場的「KookySpookyHalloweenNight」更是震撼！哎吔！灰姑娘城堡有炸彈，吓……不要嚇人吧，那不過是米奇帶領的萬聖節派對而已。還有呢？說不盡了，看那些布置，萬聖節紀念品等等實在是目不暇給，差點忘記廸士尼海洋新登場的驚魂古堡，聽說可以嚇到心也跌出來……「老公，再同囡囡去玩過啦！」「4歲咋，你叫佢玩跳樓機？」老公從來最緊張囡囡，誰說要乖女玩跳樓機，帶她見識萬聖節派對不好嗎？「攞唔切假？」不打緊，廸士尼聖誕也很快開始了……
東京廸士尼度假區
查詢：www.tokyodisneyresort.co.jp
哈囉吉蒂換新裝 唔識日文好悶呀！
「媽咪，HelloKitty間屋呀！」「嘩！Kitty跳舞呀！」「喂，你同我一齊玩呀！」「媽咪，點解佢哋一聽我講中文就走開晒㗎？」囡囡是獨生女，香港有表哥表姐同學仔陪玩，此時此刻，我和老公也無言以對。來到SanrioPuroland，本來玩得興起的她，竟因為不懂日語找不到玩伴而顯得有點失落……「下一次還是找多個家庭一起來吧！」老公心痛的說着，也是的，多個小朋友玩得應該更投入……
SanrioPuroland
查詢：www.puroland.co.jp
橫濱八景島 我為企鵝狂
主題樂園是真的停不了……旅程第四天，我們來到橫濱的八景島SeaParadise，意想不到，囡囡比任何地方更喜歡這裏！只因，只因這裏有她的最愛──企鵝！「媽咪，企鵝呀！好大隻呀！」那不過是一個企鵝公仔而已，她已經開心了好一陣了。但好戲在後頭呀！企鵝出巡呀，「嘩，好得意好得意，原來佢個肚腩真係白囗囗！我好想摸吓……」囡囡撒嬌地說着，「唔得㗎，摸咗企鵝仔會死㗎！」「好可愛呀……」然後在大水槽前我們靜看着企鵝的優美泳姿，還有看海豚跳水，「媽咪，我要買企鵝，我要呀……」「唔好扭計啦！」「唔走呀，我要再睇企鵝，我唔捨得呀……我唔走呀！」為了企鵝，來了東京4天，囡囡可是第一次扭計呀！我們又呵又𠱁，囡囡就是不願離開……
八景島SeaParadise
查詢：www.seaparadise.co.jp
有嘢問：玩到唔捨得走，點算？
專家話：最緊要堅持
香港兒童心理健康中心的郭廸舜博士說，無論身處外地或香港，小朋友扭計唔願走，父母一定要用肯定且堅定的語氣，告訴小朋友再唔走就返唔到屋企，亦可以說下個目的地一樣有嘢做！上到車再解釋或用故事引導！父母不應太縱容小朋友之外，亦不要信口開河，不能欺騙小朋友下站仲好玩之類的話，否則會破壞自己形象，失去信用！
家長知多啲
Q：小朋友第一次坐飛機，家長點做才可以減少憂慮？
專家有意見：全人發展中心心理學家許文傑小姐說，小朋友首次上飛機，呢啲唔少得：
1)模擬坐一次先：用圖片或機艙相先向小朋友介紹一下何謂飛機，減少陌生感覺！
2)預先睇飛機：有時間不妨同小朋友去機場睇飛機升降，等佢有定心理準備！
3)玩具隨身：上飛機最好帶定小朋友玩開的玩具，瞓覺攬住就既有安全感，又舒服！
4)心愛食物少不了：不妨預備一些小朋友鍾意的小食或飲品，等他有份熟悉的感覺！
plan好啲
東京十日主題樂園之旅
Day1香港至東京
酒店先休息
住：東京廸士尼度假區內
Day2東京廸士尼樂園
住：東京廸士尼度假區內
Day3東京廸士尼海洋
住：東京廸士尼度假區內
Day4銀座玩具博品館：休息吓！
住：新宿
Day5SanrioPuroland
住：新宿
Day6宮崎駿博物館：車程稍遠
住：新宿
Day7台場坐摩天輪，去大江戶泡溫泉：是日輕鬆少少
住：新宿
Day8橫濱八景島
住：新宿
Day9後樂園：最後衝刺！
住：新宿
Day10返屋企
出門handbook
簽證：持特區護照或BNO均毋須簽證。
查詢：25221184（日本領事館）
貨幣：100日圓約兌6.5港元
語言：日語及少量英語
時差：較香港快1小時
電壓：110V，雙孔扁腳插座
長途電話國家區碼：81
旅遊查詢：www.jnto.co.jp
跟團去：五日玩足三大樂園
東京廸士尼樂園、童話世界HELLOKITTYLAND、富士急樂園、台場彩虹橋、溫泉、池袋、銀座購物開心歡樂五天團
團號：JTG05
意見：去晒最基本的東京行程等，適合初次遊日的家庭，住宿尚算不錯，只是廸士尼兩樂園只能二選其一，唔夠喉！
價錢：成人$5,299，2歲或以上（不佔床位）$4,299
查詢：23152000（東瀛遊）
自己去：唔使四千玩五日東京
東京周末五天自遊行
團號：TYO04/05-GXX-UA
價錢：成人$3,299起，2歲以上（不佔床位）$1,749起
意見：坐UA早機去，晚機返，玩足五日，酒店選擇尚算多，每房還送東京旅遊指南；惟不設停留，想玩多幾日都唔得！
查詢：21088111（康泰旅行社）
貼士
1)早3個月前訂位
行程主要住東京廸士尼度假（TDR）酒店，方便前往樂園玩之外，又可減少交通時間！但想住廸士尼直營的兩間酒店，最好早3個月前訂位。另外，度假區內還有多間酒店選擇，價錢有平有貴，如喜來登酒店就是不錯的選擇！
查詢：www.tokyodisneyresort.co.jp
2)衝衝衝要休息
有小朋友同行盡量不要經常搬酒店。廸士尼度假區外，新宿交通四通八達，亦是不錯落腳地。記得每日最多一個樂園，而中間亦要有足夠休息時間！
推介：新宿小田急SouthernTower
查詢：www.southerntower.co.jp
天氣預測
今日東京
氣溫15-23℃
濕度70％
明日
氣溫16-21℃
濕度72％
後日
氣溫15-19℃
濕度70％
6月-8月：旅遊最佳季節，但盛夏時氣溫可達30℃以上。
9月-11月：屬秋天，氣溫徘徊於10至20℃之間。
12月-2月：氣溫有時低於零度，冬天偶會下雪，相當寒冷。
3月-5月：春天氣候宜人，還有櫻花盛放，亦是旅遊旺季。