日本女歌手宇多田光阿媽藤圭子，今年3月喺美國機場俾當地警方懷疑佢涉及毒品交易，所以沒收佢身上40幾萬美元現金（約320萬港元），當時藤圭子強調筆錢係準備捐畀一間兒童機構嘅。前晚藤圭子接受富士電視台訪問，首度開腔強調自己係清白，不過就改口話自己當日要入賭場，所以帶多啲現金都好正常喎。