周中盃賽林立，法國聯賽盃就會進行8場第3圈賽事，法甲榜首雙雄里昂同馬賽，牌面上好有機會贏波晉級，不過以佢哋對法聯盃不認真態度，宜早捧兩強對家。
馬賽同里昂剛於周日互片，後者大勝四個一皮，休息3日後，周三又要再打法聯盃，條氣都未唞順。法聯盃係法國次等盃賽，地位等同英格蘭聯賽盃。里昂既要聯賽爭霸，又要爭取喺歐冠盃突圍，一向對呢個盃仔興趣不大，上季第2圈已經畀南特互射12碼淘汰。今次對手巴黎聖日耳門，擺明盃賽好過聯賽，季初法超盃亦喺領先情況下，畀里昂迫和，互射12碼才輸。預計里昂今仗會收起好多大牌球員，臨場料退飛，博聖日耳門不敗，不妨早買。
馬賽的情況同里昂相似，今季一心聯賽爭霸，歐協盃都提早執包袱，上季亦係第2圈作客輸畀波爾多出局；聖伊天主場超硬淨，連贏兩場，今次一心打老虎，主勝要早捧。
阿特蘭大少讓早買
意甲方面亦有滄海遺珠，阿特蘭大上仗反勝森多利亞，兼且連打兩場主場，體力佔有優勢。
卡利亞里今季跌晒watt，連主場都贏唔到，作客一向差，阿特蘭大單W隨時有調低機會，有信心可早買。