黃德斌、楊崢、胡定欣、徐淑敏及無綫高層樂易玲等，昨日出席在尖沙嘴美麗華酒店舉行的「TVbeople招募大行動」記者會，眾藝員以行catwalk形式出場，藉以招募18至25歲年輕人參加比賽。
黃德斌表示遇到有條件的朋友也會提議對方參賽，他說：「我哋以前想入行淨係得訓練班，𠵱家又有香港先生同埋多咗好多唔同途徑畀想入行嘅年輕人。呢行好奇怪嘅，好似我都係近期無端端先俾人封做型男，其實我不嬲都係咁上下㗎啦。」
高層硬銷新劇
此外，無綫高層樂易玲被問到台慶女主角獎項之爭時表示兩大熱門都會撐，她說：「可以再熱鬧啲㖭，佘詩曼同胡杏兒都撐，我成日會同啲藝員食飯，我未知有冇份做評選，唔可以講鍾意邊個，今晚會返去睇吓杏兒套《肥田囍事》，睇佢做成點。」
採訪：卓美娟
攝影：陳志嵐
