剛獲選為十大傑青的呂宇俊，父親是有黑社會背景的癮君子，對於有幼童在屋邨內，以黑社會語言恐嚇青少年，呂宇俊感觸良多：「當初我都係因為見到老竇好似好威咁，去到邊都一大班人跟住，所以先入黑社會之嘛，大個先識得驚。」
作為過來人，呂宇俊說，父母對子女的成長有很深遠的影響：「我嗰時咁細個，最叻就係模仿我老竇，覺得佢好似英雄一樣，同佢一齊好有安全感……不過都因為佢，令我睇到黑社會最差嘅一面，例如吸毒嘅唔好處，劈友係點！」不過，他仍認為家長應以身作則，甚至用自身經歷教導子女：「話畀佢哋知你驚咩，其實係最有力嘅反面教材，你肯教，冇話唔得。」
理工大學應用社會科學系講師崔日雄亦指出，兒童在成長過程中，往往會以父母為學習對象：「就算你唔係真係教佢，但佢聽到你講電話、睇你點做，佢都自不然會學識，所以身教真係好重要！」
崔日雄又指出，青年人常誤以為加入黑社會，是一件「好威、有權有勢」的事，家長應先改變子女這種已經被扭曲的價值觀。年紀太幼者要讓他們知道後果，到長成後再與他們分享對與錯。
新聞資訊研究組