曼聯前晚2:0擊敗利物浦，中堅里奧費廸南66分鐘射入世界波，佢先用右腳黐個波落來，呃過對方後衞後起左腳射入，相信佢咁大個仔都好少入啲咁靚嘅波！咁啱上場聯賽對韋根，中堅尼曼查維廸首開紀錄，今場波輪到里奧埋齋定勝局；喺前鋒朗尼兩個月聯賽冇波入之下，曼聯能夠力壓車仔排榜首，真係全靠班後衞！