講到意甲今季超級黑馬，梗係前晚淨勝AC米蘭兩球嘅巴勒莫喇！而當晚巴勒莫門將方坦拿亦成為主角，呢位39歲門將上接下撲之餘，連幸運之神都眷顧佢，67分鐘卡卡左路先射中柱、派路中路補射又中楣，一額汗嘅佢好得戚咁望住電視鏡頭。其實又抵佢囂嘅，因為球隊壓倒國際米蘭排榜首，正式打破北方勢力嘅壟斷。